La onomástica en la Universidad de Turín

Síntesis de los trabayos que la Universidá de Turín vien desendolcando sobre ciencies onomástiques de magar principios del s. XX, constituyendo los profesores G. Serra, P. Massia y G. Gasca Queirazza los antecedentes principales d’esos estudios. En tiempos más recientes (1990) entama’l Dizionario di Toponomastica Italiana, con una seición dedicada al Piamonte, onde diríen amestándose los datos del rchiMediOn (Archivio Medievale di Onomastica). A ello hai qu’axuntar el proyeutu ToP-GIS, que pue rellacionar los datos xeográficos colos datos venceyaos a los topónimos piamonteses, organizaos como una base de datos. Tou esti trabayu prepara’l terrén pa un nuevu Dizionario di Toponomastica Piemontese, qu’actualice y complete la obra anterior de Dante Olivieri (1965). Una recopilación importante del material toponomástico, en cursu dende hai años, ye’l Atlante Toponomastico del Piemonte Montano (ATPM), que tien asoleyaes hasta agora alredor de cuarenta monografíes col inventario de los microtopónimos de caún de los conceyos de la cara italiana de los Alpes.